“VARLI QADIN”... QUBA, QUSAR VƏ XAÇMAZA YOLA DÜŞMÜŞDÜR
Akademik Milli Dram Teatrının yaradıcı kollektivi respublikamızın şimal bölgəsinə qastrol səfərinə yola düşmüşdür. Teatrdan müxbirimizə demişlər ki, qastrol müddətində sənətsevərlər sevimli aktyorların ifasında yazıçı-dramaturq Əli Əmirlinin “Varlı qadın” iki hissəli komediyasına baxacaqlar.Rejissor Bəhram Osmanovun quruluş verdiyi tamaşada tanınmış səhnə ustaları, xalq artistləri İlham Namiq Kamal, Firəngiz Mütəllimova, əməkdar artistlər Mehriban Xanlarova, Əsgər Məmmədoğlu, gənc aktyorlar Rövşən Kərimduxt, Elşən Cəbrayılov və başqaları çıxış edəcəklər. Üç günlük qastrol zamanı bu tamaşa Quba, Qusar və Xaçmaz rayonlarında göstəriləcəkdir.
Bölmənin digər xəbərləri
