Vaşinqton Tehranla danışıqlar ərəfəsində yenilənmiş sülh planı hazırlayır
Bakı, 9 aprel, AZƏRTAC
Vaşinqton İslamabadda tezliklə başlayacaq ABŞ-İran danışıqları ərəfəsində yenilənmiş plan üzərində işləyir.
AZƏRTAC xəbər verir ki, bu barədə Ağ Evin mətbuat katibi Kerolayn Livitt çərşənbə günü keçirilən brifinqdə bildirib. Onun sözlərinə görə, Prezident Donald Trampın qırmızı xətləri, yəni İranın uranın zənginləşdirilməsini dayandırması dəyişməyib. ABŞ-nin danışıqlara hazırlığı Hörmüz boğazının “heç bir məhdudiyyət və ya ləngimə olmadan” açılmasından asılıdır.
“Fars” informasiya agentliyinin məlumatına görə, İsrailin Livana hücumlarından sonra İran Hörmüz boğazından tankerlərin keçidini yenidən dayandırıb. “Livan atəşkəs razılaşmasının tərəfi deyil. Bu, atəşkəsdə iştirak edən bütün tərəflərə çatdırılıb”, - deyə Livitt vurğulayıb.
İranın xarici işlər naziri Abbas Əraqçi Livana davam edən hücumlara toxunaraq X sosial media platformasında belə yazıb: “İranla ABŞ arasında atəşkəs sazişinin şərtləri aydın və birmənalıdır: Birləşmiş Ştatlar atəşkəs və ya İsrail vasitəsilə müharibəni davam etdirmək arasında seçim etməlidir. Bunların hər ikisi eyni vaxtda bir yerdə ola bilməz".
Bölmənin digər xəbərləri
