VENESUAELA PREZİDENTİ NEFT YATAQLARINI PARTLADACAĞI İLƏ HƏDƏLƏYİR

21.04.2006 [11:08]
Çap et
A⁺ A^-

AZƏRTAC Assoşieyted Press Agentliyinə istinadla xəbər verir ki, Prezident Uqo Çaves ABŞ-ın Venesuelaya hücumu təqdirində ölkənin bütün neft yataqlarını partladacağı ilə hədələyir. O, Cənubi Amerika ölkələrinin liderləri ilə görüşündə demişdir: “Əgər ABŞ İraq kimi, Venesuelaya da hücum edərsə, bizim neft yataqlarını partlatmaqdan başqa əlacımız qalmayacaqdır”.

Venesuela neft hasilatına görə, dünyada 5-ci yeri tutur.

Uqo Çaves ABŞ-ı yenə ölkədə dövlət çevrilişinə cəhddə təqsirləndirmişdir. Prezidentin sözlərinə görə, ABŞ Venesuela neftini ələ keçirmək üçün artıq bir dəfə çevriliş törətməyə cəhd göstərmişdi. Çaves əlavə etmişdir ki, ABŞ-ın Səddam Hüseyn rejiminə qarşı təcavüzünün başlıca səbəbi məhz İraq neftidir.

Çavesin fikrincə, ABŞ Venesuelaya qarşı təcavüz üçün bəhanə axtarır. O demişdir: “Bizi İrana uran satmaqda, habelə İranın nüvə raketlərini alıb Venesuela ərazisində yerləşdirməkdə təqsirləndirirlər”.

OPEK-in üzvü olan Venesuela ABŞ-a gündə 1,5 milyon barrel neft verir. ABŞ hökuməti Çavesin Birləşmiş Ştatların guya Venesuelaya qarşı təcavüz hazırlaması barədə bəyanatlarını dəfələrlə təkzib etmişdir. Eyni zamanda, Vaşinqton hesab edir ki, bu ölkənin rəhbərliyi regionda sabitliyi pozur.

VENESUAELA PREZİDENTİ NEFT YATAQLARINI PARTLADACAĞI İLƏ HƏDƏLƏYİR

MÜƏLLİFLƏ ƏLAQƏ

Bölmənin digər xəbərləri