Vergi Xidmətinin rəis müavini Şamaxıda vətəndaşların müraciətlərini dinləyəcək
Bakı, 14 sentyabr, AZƏRTAC
İqtisadiyyat Nazirliyi yanında Dövlət Vergi Xidmətinin (DVX) rəis müavini İlkin Vəliyev sentyabrın 25-i saat 11:00-dan etibarən Şamaxı şəhərində 4 saylı Ərazi Vergilər İdarəsinin inzibati binasında (ünvan: Şamaxı şəhəri, Bakı-Qazax şosesi, 118-ci km) Şamaxı, Ağsu və Qobustan rayonlarının sakinləri ilə görüşəcək.
DVX-dən AZƏRTAC-a bildirilib ki, görüşə gəlmək istəyən vətəndaşlar 14-23 sentyabr tarixlərində Şamaxı şəhərində 4 saylı Ərazi Vergilər İdarəsinə, habelə Şamaxı, Ağsu və Qobustan Xidmət mərkəzlərinə müraciət etməklə, eləcə də İqtisadiyyat Nazirliyinin 195-1 Çağrı Mərkəzinə zəng etməklə və ya Xidmətin [email protected] elektron poçt ünvanına yazmaqla qeydiyyatdan keçə bilərlər.
Qeydiyyatdan keçmiş vətəndaşların görüşə müraciət zamanı aidiyyəti məsələləri dolğun şəkildə ifadə edən ərizə təqdim etmələri xahiş olunur.
Bölmənin digər xəbərləri
