Naxçıvanda kommersiya qurumlarının sayı 13,8 faiz artıb
Naxçıvan, 14 sentyabr, AZƏRTAC
Bu il sentyabrın 1-nə Naxçıvan Muxtar Respublikası üzrə uçotda olan 56 min 418 vergi ödəyicisinin 94,7 faizi fiziki şəxslər, 5,3 faizi hüquqi şəxslər və digər təşkilatlardır.
Naxçıvan Muxtar Respublikası İqtisadiyyat Nazirliyi yanında Dövlət Vergi Xidmətindən AZƏRTAC-ın bölgə müxbirinə bildirilib ki, 2025-ci ilin müvafiq dövrü ilə müqayisədə vergi ödəyicilərinin ümumi sayı 6,7 faiz, o cümlədən fiziki şəxslərin sayı 6,8 faiz, hüquqi şəxslərin sayı isə 5,7 faiz artıb.
Qeydiyyatda olan kommersiya qurumlarının sayı 2025-ci ilin müvafiq dövrü ilə müqayisədə 13,8 faiz artaraq 1939 olub. 2026-cı ilin yanvar-avqust aylarında kommersiya qurumlarının 85,4 faizi elektron, 14,6 faizi kağız daşıyıcısı əsasında qeydiyyata alınıb.
Müxbir- Nail Əsgərov
Bölmənin digər xəbərləri
