“İsmayıl Kazımov-70: Zamanın alimi və insanlıq brendi” kitabı çapdan çıxıb
Bakı, 14 sentyabr, AZƏRTAC
AMEA Nəsimi adına Dilçilik İnstitutunun Elmi şurasının qərarı ilə professor Mahirə Hüseynovanın “İsmayıl Kazımov-70: Zamanın alimi və insanlıq brendi” adlı kitabı nəşr olunub.
İnstitutdan AZƏRTAC-a bildirilib ki, nəşrin elmi redaktoru professor Nadir Məmmədli, rəyçiləri dosent Günel Hüseynova və filologiya üzrə fəlsəfə doktoru Dilbər Camalıdır.
Kitab Dilçilik İnstitutunun Türk dilləri şöbəsinin müdiri professor İsmayıl Kazımovun elmi fəaliyyəti və yaradıcılığına həsr olunub. Nəşrdə alimin zəngin elmi-publisistik irsi, dilçilik sahəsində apardığı tədqiqatlar, elmi-pedaqoji fəaliyyəti, əsərlərinə verilən qiymətləndirmələr, eləcə də beynəlxalq və respublika səviyyəli konfrans, simpozium və elmi müşavirələrdə etdiyi çıxış və məruzələr haqqında məlumatlar yer alıb.
Nəşr dilçi-alimin elmi fəaliyyətinin müxtəlif istiqamətləri ilə yanaşı, insani xüsusiyyətlərini, ömür yolunu da təqdim edir.
Kitab professor İsmayıl Kazımovun 70 illik yubileyinə həsr olunub və geniş oxucu auditoriyası üçün nəzərdə tutulub.
Bölmənin digər xəbərləri
