VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində Nərimanov Rayon Polis İdarəsinin əməkdaşları Bakı şəhər sakini Namiq Məmmədovdan 60,99 qram marixuana, Yasamal Rayon Polis İdarəsinin 27-ci bölməsinin əməkdaşları isə Bakı şəhər sakini, əvvəllər məhkum olunmuş Orxan Məmmədzadədən 0,434 qram heroin götürmüşlər.
Cəlilabad Rayon Polis Şöbəsinin əməkdaşları Göytəpə şəhər sakini, əvvəllər məhkum olunmuş Əli Rəhimovdan 0,789 qram heroin,
Quba Rayon Polis Şöbəsinin əməkdaşları isə keçirdikləri əməliyyat tədbirləri nəticəsində rayon sakini, əvvəllər məhkum olunmuş Məmmədrza Heydərovu 0,21 qram həşişi satarkən tutmuş, ondan əlavə 1,57 qram həşiş aşkar edərək götürmüşlər.
Zaqatala rayonunun Uzunqazmalar kəndində yabanı halda bitmiş, çəkisi 3050 kiloqram olan 6370 ədəd çətənə kolu polis şöbəsinin əməkdaşları tərəfindən yığılaraq məhv edilmişdir.
Faktlarla bağlı araşdırmalar aparılır.
Bölmənin digər xəbərləri
