Voleybol üzrə Azərbaycan çempionatının bugünkü oyunları təxirə salınıb
Bakı, 7 noyabr, AZƏRTAC
Qadın voleybolçular arasında Azərbaycan Yüksək Liqasında bu gün keçirilməli olan oyunlar təxirə salınıb.
Federasiyanın mətbuat xidmətindən AZƏRTAC-a verilən məlumata görə, buna səbəb ölkəmizdə səfərdə olan Avropa Voleybol Konfederasiyasının prezidenti Aleksandar Boriçiç, CEV-in vitse-prezidenti Renato Arena, Türkiyə Voleybol Federasiyasının prezidenti Akif Üstündağ, Bolqarıstan Voleybol Federasiyasının prezidenti Lyubomir Qanevlə bir sıra görüş və tədbirlərin keçirilməsidir. Bununla da noyabrın 7-də keçirilməsi nəzərdə tutulan UNEC- “Milli Aviasiya Akademiyası” və “Gəncə” - “Murov Az Terminal” qarşılaşmalarının vaxtının dəyişdirilməsi qərarı alınıb.
Qeyd edək ki, təxirə salınmış oyunların keçiriləcəyi tarix dəqiqləşməyib.
Bölmənin digər xəbərləri
