“Wizz Air” Afina və Reykyavikə uçuşları dayandıracaq
Vilnüs, 24 yanvar, AZƏRTAC
Macarıstanın büdcə aviaşirkəti “Wizz Air” mart ayının sonundan etibarən Vilnüsdən İslandiyanın paytaxtı Reykyavikə və Yunanıstanın paytaxtı Afinaya uçuşları dayandıracaq. Londonun “Luton” hava limanına isə uçuşlar daha az həyata keçiriləcək.
AZƏRTAC xəbər verir ki, bu barədə aviaşirkətin yaydığı məlumatda bildirilir.
“Aviasiya təcrübəsində qəbul olunduğu kimi, uçuşların tezliyi mövsümün və marşrutların cazibədarlığının nəzərə alınması ilə dəyişir. Ən populyar marşrutların aşağı qiymətlərlə əldə olunmasını təmin etmək üçün “Wizz Air” təklif olunan marşrutları daim izləyir və təhlil edir”, - deyə məlumatda qeyd olunub.
Bildirib ki, Reykyavikə və Afinaya bilet almış bütün sərnişinlər məlumatlandırılacaq, onlara alternativlər təklif olunacaq.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
