“Xarı bülbül - Qarabağın sirli möcüzəsi” nəşri işıq üzü görüb
Bakı, 29 dekabr, AZƏRTAC
Gənclər üçün Təhsil Mərkəzi tərəfindən “Xarı bülbül - Qarabağın sirli möcüzəsi” adlı ilk nəşr işıq üzü görüb.
Mərkəzdən AZƏRTAC-a bildiriblər ki, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə hazırlanan nəşrdə Xarı bülbüllə bağlı əfsanə, hekayə, şeir və s. materiallar yer alıb.
Nəşrin regionlarda məktəblilərə paylanılmasına başlanıb.
Gənclər üçün Təhsil Mərkəzi əzəli Azərbaycan torpağı olan Qarabağın rəmzlərindən sayılan Xarı bülbüllə bağlı hər il müxtəlif layihə həyata keçirir. Qurum bu il “Xarı bülbül - Qarabağın sirli möcüzəsini tanıdaq!” layihəsini reallaşdırıb. Həmin layihənin məqsədi Qarabağın mədəni incilərini təbliğ etmək, Xarı bülbüllə bağlı daha çox material hazırlamaq idi.
Bölmənin digər xəbərləri
