XARİCİ İŞLƏR NAZİRİ ELMAR MƏMMƏDYAROV İRANA SƏFƏR EDƏCƏKDİR
Nazirliyin mətbuat mərkəzindən AZƏRTAC-ın müxbirinə bildirmişlər ki, Azərbaycanın xarici siyasət idarəsinin rəhbəri Elmar Məmmədyarov Tehranda iranlı həmkarı Kamal Xərrazi və digər rəsmi şəxslərlə görüşəcək. Görüşlərdə ölkələrimiz arasında iqtisadi, siyasi, mədəni əlaqələrin daha da genişləndirilməsi və inkişafı, Təbrizdə Azərbaycan konsulluğunun açılması, regiondakı ictimai-siyasi vəziyyət və digər məsələlər müzakirə olunacaqdır.
Elmar Məmmədyarov İran Culfasından keçməklə Naxçıvana gələcəkdir. Burada o, muxtar respublikanın rəhbərliyi və digər rəsmi şəxslərlə görüşəcəkdir.
Bölmənin digər xəbərləri
