XƏSTƏXANA BİNALARI BƏRPA EDİLİR
Əsasən qaçqın və məcburi köçkünlərin məskunlaşdıqları və hazırda 2 min 100 nəfər sakini olan Çaykənd kəndi Xanlar rayon mərkəzindən xeyli aralıda yerləşir. 1988-ci ildə gedən döyüşlər zamanı kənddə olan bir çox ictimai binalarla yanaşı, xəstəxana da tamamilə dağılmışdı. Bu günlərdə binanın bərpasına başlanmışdır. Bərpa işlərini Azərbaycan Respublikasının İşğaldan Azad Olunmuş Ərazilərinin Bərpası və Yenidən Qurulması üzrə Agentlikdə keçirilən tenderdə qalib gələn “Rəşad” firması aparır. Firmadan müxbirimizə demişlər ki, kollektiv rayonun Göycəkənd və Toğana kəndlərində də səhiyyə obyektlərinin tikintisi ilə məşğuldur. Hər üç obyektin layihə-smeta dəyəri 691 min ABŞ dollarıdır. Həmin vəsait hesabına binalar avadanlıqla da təmin ediləcəkdir. Səhiyyə obyektlərini bu ilin oktyabr ayınadək istifadəyə vermək nəzərdə tutulmuşdur.
Bölmənin digər xəbərləri
