XƏZƏRİN DİBİNİN BÖLÜŞDÜRÜLMƏSİNƏ DAİR SAZİŞLƏ BAĞLI PROTOKOL LAYİHƏSİNİN MƏTNİ RAZILAŞDIRILMIŞDIR
Respublika Xarici İşlər Nazirliyinin mətbuat mərkəzindən AZƏRTAC-a bildirmişlər ki, Qazaxıstanın xarici işlər nazirinin birinci müavini Kairat Abuseyitovun rəhbərlik etdiyi nümayəndə heyəti dekabrın 9-dan 11-dək Azərbaycanda səfərdə olmuşdur.
Nümayəndə heyətinin başçısı Kairat Abuseyitov Azərbaycan xarici işlər nazirinin müavini Xələf Xələfovla görüşərək danışıqlar aparmışdır.
Görüşdə Azərbaycan və Qazaxıstan ekspert qruplarının danışıqları nəticəsində bu respublikalar arasında Xəzər dənizinin dibinin bölünməsi haqqında 2001-ci il noyabrın 29-da iki ölkənin dövlət başçıları tərəfindən imzalanmış Sazişin tərkib hissəsi olacaq Protokol layihəsinin mətni müzakirə edilmiş və razılaşdırılmışdır.
Bölmənin digər xəbərləri
