XƏZƏRİN ƏTRAF MÜHİTİNİN MÜHAFİZƏSİLƏ BAĞLI MƏSƏLƏLƏR MÜZAKİRƏ EDİLİR
Astanada beynəlxalq təşkilatların nümayəndələrinin iştirakı ilə beş Xəzəryanı ölkə ekspertlərinin görüşü keçirilir. Görüşdə Azərbaycan, Qazaxıstan, İran, Rusiya və Türkmənistan ekspertləri Xəzər dənizinin ekoloji vəziyyəti ilə bağlı problemləri müzakirə edirlər. Ekologiya və Təbii Sərvətlər Nazirliyinin mətbuat xidmətindən AZƏRTAC-ın müxbirinə bildirmişlər ki, görüşdə Azərbaycan Xarici İşlər Nazirliyinin və “Xəzər” kompleks monitorinq qrupunun nümayəndələri iştirak edirlər. Tədbirdə Xəzərin ətraf mühitinin mühafizəsinə dair hüquqi mexanizm hazırlanacaqdır. Bundan başqa, görüşdə Xəzərin dəniz mühitinin mühafizəsinə dair çərçivə konvensiyası layihəsi mətninin son redaksiyası da qəbul olunacaqdır. Layihə imzalanmaq ücün Xəzəryanı ölkələrin hökumətlərinə təqdim ediləcəkdir.
Bölmənin digər xəbərləri
