Xorvatiya Monteneqroya nota göndərib
Podqoritsa, 9 oktyabr, AZƏRTAC
Xorvatiya Monteneqroya diplomatik nota göndərib.
AZƏRTAC xəbər verir ki, Xorvatiya tərəfi Monteneqronun Tivat və Dobrota şəhərlərində ötən əsrin 90-cı illərində ələ keçirilən xorvat icmasına məxsus daşınmaz əmlakların geri qaytarılmasını istəyir. Tivatdan olan 51 ailənin illərdir zəbt edilmiş əmlaka görə heç bir kompensasiya almadığı bildirilir. Dobrota bölgəsində isə həmin illərdə xorvat ailələrinin əmlaklarına həbs qoyulub.
Xorvatiya Monteneqronun əmlakların geri qaytarılması və ədalətli kompensasiyanın təmin edilməsi üçün dərhal addımlar atacağını gözləyir.
Nihad Budaqov
AZƏRTAC-ın xüsusi müxbiri
Podqoritsa
Bölmənin digər xəbərləri
