Xorvatiya teatrı Bakıda “Vəfalı dostlar” tamaşasını nümayiş etdirmişdir
Bakı, 13 noyabr (AZƏRTAC). Azərbaycan Dövlət Rus Dram Teatrında “Cırtdan” II Beynəlxalq kukla teatrları festivalı çərçivəsində Xorvatiyanın “Zorin dom” Karlovaç şəhər teatrı “Vəfalı dostlar” tamaşasını nümayiş etdirmişdir.
AZƏRTAC xəbər verir ki, məzəli bir nağıl əsasında qurulmuş bu tamaşada tənha əjdahadan danışılır.
Tamaşada əsl dostluq təbliğ olunur. Çünki dostsuz həyat cansıxıcı və mənasızdır.
Burada hər şey rezin şarların plastikasında həll olunmuşdur. Kuklaçılar şarların köməyi ilə demək istəyirlər ki, əsl dostlar bütün maneələri aşıb, bütün çətinliklərə qalib gəlib, həmişəlik bir-birlərinə sadiq qala bilirlər.
Tamaşada rolları teatrının aktyorları - Culio Settimo və Peda Qvosdiç ifa etmişlər.
Bölmənin digər xəbərləri
