Xüsusi karantin rejimi dövründə 48 mindən çox nəqliyyat vasitəsi parklanma qaydalarını pozub VİDEO
Bakı, 4 may, Elvin Camalov, AZƏRTAC
Xüsusi karantin rejimi dövründə 48 min nəqliyyat vasitəsi dayanma, durma qaydalarını pozub.
AZƏRTAC xəbər verir ki, bu sözləri mayın 4-də Azərbaycan Respublikası Nazirlər Kabineti yanında Operativ Qərargahda keçirilən brifinqdə Bakı Nəqliyyat Agentliyinin (BNA) idarə heyətinin sədri Vüsal Kərimli deyib.
“Karantin rejimi dövründə nəqliyyat vasitələri ilə qaydalar pozulsa da, BNA tərəfindən qəbul edilən qərara əsasən cərimə tətbiq olunmayıb. Hazırda şəhərdə nəqliyyat axınının artması avtobusların hərəkət zolaqlarında digər avtomobillərin parklanmasını da artırır. Bu da avtobusların hərəkət intervalını gecikdirir və sərnişinlərin dayanacaqda sıxlaşmasına səbəb olur”, - deyə o qeyd edib.
Bölmənin digər xəbərləri
