Yaraqlıların Hələbə hücumu nəticəsində 11 nəfər ölüb, 30 nəfər yaralanıb
Bakı, 25 yanvar, AZƏRTAC
Suriyanın Hələb şəhəri silahlı dəstələr tərəfindən atəşə tutulub. Nəticədə 11 nəfər ölüb, 30 nəfər yaralanıb.
AZƏRTAC xarici KİV-lərə istinadla xəbər verir ki, hücumun məqsədi şəhərin qərbində yerləşən hökumət qüvvələrinin mövqelərini məhv etmək olub.
Belə ki, 70-ə qədər yaraqlı avtomobillərə quraşdırılmış iriçaplı pulemyotlarla Binyamin bölgəsini aramsız atəşə tutub. Cavab atəşindən sonra qarşı tərəf geri çəkilməyə məcbur olub.
Hücum zamanı qadın və uşaqlar da daxil olmaqla, 8 mülki vətəndaş, 3 hərbçi öldürülüb, 20-dən çox insan yaralanıb.
Son günlər daha da fəallaşan silahlı dəstələr Hələbdən başqa, Latakiya, İdlib və Həma əyalətlərinə də hücumların sayını artırıblar.
Bölmənin digər xəbərləri
