“YARAT”dan növbəti müsabiqə
Bakı, 30 aprel, AZƏRTAC
“YARAT” Müasir İncəsənət Məkanının təşkilatçılığı ilə qraffiti və ya urban-art rəsm janrlarında divar üzərində əsər yaratmaq bacarığında olan peşə sahibləri üçün müsabiqə elan edib.
AZƏRTAC xəbər verir ki, müsabiqə “YAY” qalereyasının damında yerləşən divarın tərtibatı üçün kreativ dizayn axtarmaq məqsədilə təşkil olunub.
Mövzusu Bakı və bakılılar olan müsabiqədə iştirak etmək istəyənlər [email protected] elektron ünvanına müraciət edə bilər. Son müraciət tarixi mayın 5-də yekunlaşır. Nəticələr mayın 7-də elan ediləcək. Seçilmiş dizayn “YAY” qalereyasında təşkil olunacaq xüsusi bir tədbir zamanı təqdim olunacaq.
Bölmənin digər xəbərləri
