Yasamal rayonunda nəqliyyat vasitəsini qaçırmaqda şübhəli bilinən şəxs saxlanılıb
Bakı, 1 may, AZƏRTAC
Yasamal Rayon Polis İdarəsinin 29-cu Polis Şöbəsinə müraciət edən paytaxt sakini R.Hacıyev aprelin 29-da gecə saatlarında Talıblı küçəsindən “Niva” markalı avtomobilinin qaçırıldığını bildirib.
Daxili İşlər Nazirliyinin mətbuat xidmətindən AZƏRTAC-a verilən məlumata görə, müraciətlə əlaqədar keçirilmiş təxirəsalınmaz əməliyyat-axtarış tədbiri nəticəsində nəqliyyat vasitəsini qaçırmaqda şübhəli bilinən şəxs R.Rüstəmov küçəsində avtomobillə birgə polis əməkdaşları tərəfindən saxlanılıb. Onun Abşeron rayon sakini Amid Rüstəmov olduğu müəyyən edilib.
Faktla bağlı araşdırma aparılır.
Bölmənin digər xəbərləri
