ELM VƏ TƏHSİL
YENİ LAYİHƏYƏ DAİR KONFRANS KEÇİRİLƏCƏKDİR
Sentyabrın 23-24-də Azərbaycan Texniki Universitetində Almaniyanın Köln və Hollandiyanın Heerlen Tətbiqi Elmlər Universitetlərinin iştirakı ilə bakalavr və magistr pillələri üzrə başa çatmış layihənin nəticələri və bu aydan Azərbaycan Texniki Universiteti, Azərbaycan Dövlət Neft Akademiyası, Sumqayıt Dövlət Universiteti və Mingəçevir Politexnik İnstitutunda reallaşdırılacaq yeni layihəyə dair konfrans keçiriləcəkdir.
Konfransda AzTU-nun elektrotexnika fakültəsində tədrisin müasirləşdirilməsi üzrə başa çatmış TEMPUS layihəsinin nəticələri, yeni ixtisaslar haqqında məlumatlar veriləcək və Azərbaycanın digər ali məktəbləri üçün hazırlanmış çoxtərəfli layihə təqdim ediləcəkdir.
“Azərbaycanda ali məktəb sistieminin inkişafına Avropa Birliyinin göstərdiyi kömək”, “Azərbaycanın ali məktəblərində təhsilin və tədqiqatların modernləşməsinə TEMPUS layihəsinin təsiri” və digər mövzularda məruzələr də dinləniləcəkdir.