Yevlaxda ev yanıb
Bakı, 15 aprel, AZƏRTAC
Yevlaxın Aşağı Bucaq kəndində ev və cücə sexi yanıb.
FHN-in mətbuat xidmətindən AZƏRTAC-a bildiriblər ki, bir dam altında tikilən ümumi sahəsi 30 kvadratmetr olan birmərtəbəli ev və bitişik ümumi sahəsi 520 kvadratmetr olan cücə sexinin 360 kvadratmetri yanıb. Yanğın yerinin kəşfiyyatı zamanı evin içərisində 1968-ci il təvəllüdlü Hüseynova Səidə İmran qızının yanmış meyiti yanğınsöndürənlər tərəfindən aşkar olunub. Sexin qalan hissəsi və yaxınlıqdakı tikililər yanğından mühafizə olunub. Alov yanğından mühafizə bölmələri tərəfindən söndürülüb. Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
