YOL-NƏQLİYYAT HADİSƏLƏRİ ÖLÜMLƏ NƏTİCƏLƏNMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Gəncə şəhərinin Kəpəz rayonu ərazisində Anar Əliyevin idarə etdiyi “Mercedes” markalı və Elgin İsmayılovun sürdüyü “VAZ -2107” markalı avtomaşınlar toqquşmuşdur. Nəticədə “Jiquli”də olan sərnişinlərdən Fariz Aslanov ölmüş, sürücü və digər iki sərnişin xəsarət almışdır.
İxtiyar Orucovun idarə etdiyi “Hunday” markalı avtomaşını Kürdəmir rayonunun ərazisində aşırması özünün ölümünə, iki nəfərin isə xəsarət almasına səbəb olmuşdur.
Masallı rayonunun Alışanlı kəndi ərazisində-Bakı-Astara dəmir yolunun 115-ci kilometrində sürət qatarı Arifə Məmmədovanı vurmuşdur. Piyada hadisə yerində ölmüşdür.
Faktlarla bağlı cinayət işi başlanmışdır, araşdırmalar aparılır.
Bölmənin digər xəbərləri
