ZAQATALA TAXILÇILARI BİÇİNİ BAŞA ÇATDIRDILAR
AZƏRTAC-ın müxbiri xəbər verir ki, Zaqatala rayonunun taxılçılıq təsərrüfatlarında biçin kampaniyası müvəffəqiyyətlə başa çatmışdır. Payızlıq taxıl əkilmiş 10393 hektar sahədə biçin optimal müddətdə tamamlanmış, 21 min ton məhsul götürülmüşdür. Bu, ötən illə müqayisədə 3,5 min ton çoxdur. Hər hektardan məhsuldarlıq orta hesabla 20,2 sentner təşkil etmişdir.
Erkən yazda, taxılın cücərmə dövründə düşən güclü şaxtalar nəticəsində əkin sahələrinə ciddi ziyan dəyməsinə və yığım dövründə havaların qeyri-sabit keçməsinə baxmayaraq, fermerlər taxıl əkinlərinə lazımı səviyyədə qulluq göstərmiş, aqrotexniki tədbirlər vaxtında və düzgün aparılmışdır. Bu səbəbdən də göstəricilər keçən ilə nisbətən yüksək olmuşdur.
Bölmənin digər xəbərləri
