ZAVOD MƏHSUL İSTEHSALINA BAŞLAMIŞDIR
“Miri Qrand” MMC-nin Ağsu konserv zavodunda şirə sexi istifadəyə verilmişdir. Burada hələlik nar və moruq şirələri buraxılır. Zavodun direktoru Davud Gülməmmədov AZƏRTAC-ın müxbirinə bildirmişdir ki, yaxın vaxtlarda heyva, feyxoa, itburnu, çaytikanı və zoğal şirələri də istehsal ediləcəkdir.
Təkcə bu il bir milyon litr şirə istehsalı nəzərdə tutulmuşdur. İlkin razılaşmalara görə istehsal edilən şirələr Rusiyaya, Baltikyanı ölkələrə, eləcə də Almaniyaya göndəriləcək.
Hələlik yeni istehsal müəssisəsində 30 nəfər işçi çalışır. Bir neçə aydan sonra onların sayı 120 nəfərə çatdırılacaqdır.
Bölmənin digər xəbərləri
