“Zəfər” Şəhid Ailələrinə Dəstək İctimai Birliyinin rəhbəri məktəblilərlə görüşəcək
Bakı, 4 may, AZƏRTAC
“Məktəbdə...” layihəsinin növbəti görüşü mayın 5-də Bakı şəhəri 53 nömrəli tam orta məktəbdə keçiriləcək.
Bakı Şəhəri üzrə Təhsil İdarəsi tərəfindən reallaşdırılan layihənin budəfəki qonağı “Zəfər” Şəhid Ailələrinə Dəstək İctimai Birliyinin rəhbəri, Vəkillər Kollegiyası Rəyasət Heyətinin üzvü Sevinc Orucova olacaq.
İdarədən AZƏRTAC-a bildirilib ki, görüşdə məktəb və müəllimin insanların formalaşdırılmasında rolu, vətənpərvərlik hisslərinin aşılanmasında məktəbin üzərinə düşən vəzifələrdən danışılacaq. Həmçinin müəllim-şagird münasibətləri, yeniyetmə və gənclərdə ictimai məsuliyyət hissi və digər maraq doğuran mövzular ətrafında söhbətlər aparılacaq, məktəbliləri düşündürən suallara aydınlıq gətiriləcək.
Bölmənin digər xəbərləri
