Zərdabda ötən il məhsul istehsalı 17,7 faiz artıb
Zərdab, 6 fevral, AZƏRTAC
Zərdabda ötən il iqtisadiyyatın əsas sahələrində 160 milyon 109,7 min manatlıq məhsul istehsal edilib. Bu, inişilki göstərici ilə müqayisədə 27 milyon 756,9 min manat və ya 17,7 faiz çoxdur.
Rayon icra hakimiyyətindən AZƏRTAC-ın bölgə müxbirinə bildirilib ki, məhsul və xidmətlərin 73 milyon 719,5 min manatı və ya 46 faizi kənd təsərrüfatının payına düşür. Habelə 51 milyon 670 min manatı (32,3 faiz) tikintinin, 26 milyon 878,4 min manatı (16,8 faiz) ticarətin, 5 milyon 867,3 min manatı (3,7 faiz) sənayenin, 1 milyon 419,4 min manatı (0,3 faiz) nəqliyyatın, 555 min manatı isə (0,9 faiz) poçt və rabitə xidmətlərinin hesabınadır.
Bölmənin digər xəbərləri
