17 May - Ümumdünya Telekommunikasiya və İnformasiya Cəmiyyəti Gününə həsr olunmuş konfrans keçiriləcəkdir
Bakı, 14 may (AZƏRTAC). Mayın 17-də Azərbaycan Milli Elmlər Akademiyasının (AMEA) İnformasiya Texnologiyaları İnstitutunda Ümumdünya Telekommunikasiya və İnformasiya Cəmiyyəti Gününə həsr olunmuş elmi konfrans keçiriləcəkdir.
İnstitutdan AZƏRTAC-a bildirmişlər ki, tədbirin təşkilatçıları AMEA-nın İnformasiya Texnologiyaları İnstitutu və Fəlsəfə, Sosiologiya və Hüquq İnstitutudur.
Konfransda “İnformasiya cəmiyyətinə aparan yol”, “Əşyaların interneti: mahiyyəti, perspektivləri və problemləri”, “İnformasiya-kommunikasiya texnologiyalarının tətbiqində gender indikatorları”, “İnformasiya cəmiyyətinin formalaşmasında sosial şəbəkələrin rolu”, “Elektron parlament elektron dövlətin əsas komponentlərindən biri kimi”, “İnformasiyanın insana təsirinin fəlsəfi məsələləri” mövzularında məruzələr dinləniləcəkdir.
Bölmənin digər xəbərləri
