1 İYUN - UŞAQLARI BEYNƏLXALQ MÜDAFİƏ GÜNÜ MÜNASİBƏTİLƏ ŞƏNLİK
AZƏRTAC xəbər verir ki, mayın 30-da Nərimanov rayonundakı 42 nömrəli bağçada 1 İyun - Uşaqları Beynəlxalq Müdafiə Günü münasibətilə şənlik keçirilmişdir.
Körpələr Azərbaycanın Dövlət himnini ifa etmişlər.
Bağçanın müdiri Nurlanə Axundzadə və Respublika Gənc Turistlər və Diyarşünaslıq Mərkəzinin dərnək rəhbəri Aygün Zamanlı Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevanın uşaqlara qayğısından söhbət açmış, uşaqlara Vətənimizi sevmək, ölkənin layiqli vətəndaşı olmaq, elm və biliklərə səylə yiyələnməyi arzulamışlar.
Əvvəlcə uşaqlar Heydər Əliyevin 85 illik yubileyinə və Azərbaycan Xalq Cümhuriyyətinin 90 illiyinə həsr olunmuş şeirlər söyləmiş, mahnılar ifa etmişlər. Bakı və vətənpərvərlik mövzusunda mahnılar, ingilis dilində “Cücələrim” və digər mahnı və şeirlər ifa edən körpələrin moda-baxış nömrəsi də rəğbətlə qarşılanmışdır.
Sonda bağçanın məktəb yaşı çatmış uşaqları “Əlvida bağça” ədəbi-bədii kompozisiyası nümayiş etdirmişlər.
Bölmənin digər xəbərləri
