DÜNYA
2024-cü il Olimpiya Oyunları ərəfəsində Paris sakinlərinin narazılığı artır
Bakı, 2 dekabr, AZƏRTAC
Parislilər 2024-cü il iyulun 26-dan avqustun 11-dək bu şəhərdə keçiriləcək Olimpiya Oyunları ilə bağlı məyus olublar. Belə ki, son iki həftədə dərc olunan silsilə mənfi xəbərlərdən sonra onların narazılığı daha da artıb.
AZƏRTAC Fransa KİV-nə istinadla xəbər verir ki, əvvəlcə Paris meri Ann İdalqo gözlənilmədən bəyan etdi ki, şəhər nəqliyyatı Olimpiya Oyunları üçün vaxtında hazır olmayacaq. Sonra elan olundu ki, yarışlara biletləri olanlar üçün avtobuslar və metro pulsuz olmayacaq ( bu, Parisin Oyunlara müraciətində vəd edilmişdi), gediş-gəliş qiymətləri isə Olimpiya və Paralimpiya oyunlarının keçiriləcəyi altı həftə ərzində demək olar ki, iki dəfə bahalaşacaq.
Fransız polisinin rəhbəri bildirib ki, onun tərtib etdiyi təhlükəsizlik planı ən azı hər bir Olimpiya obyektinin ətrafındakı dörd ayrı-ayrı qadağa zonasını əhatə edir. Bu bəyanata cavab verən otel sahiblərinin Həmkarlar ittifaqının başçısı Rolan Eqi bəyan edib ki, onun polis rəisinin sözləri ilə bağlı sadəcə “başı ağrıyıb”.
“Odoxa” sosioloji şirkətinin ictimai rəyin öyrənilməsi üzrə sorğusunun nəticələri göstərib ki, indi təxminən hər iki parislidən biri Oyunları “pis hoqqa” hesab edir. Paris sakinləri deyirlər: “Paris dözülməz şəhər olacaq. Maşını parklamaq, hərəkət etmək, bir iş görmək mümkün olmayacaq. Oyunlara hazırlaşmaq üçün yetərli büdcəsi olmayan madam İdalqo Parisi dağıdıb”.
Hazırda şəhərin neqativ reytinqi 2021-ci il göstəricisindən 44 faiz çoxdur. Burada, hətta özlərini tarixi Parisin qəyyumları elan edən sahildəki 230 kitab satıcısı və ya bukinistlərin iyulun 26-da Olimpiya açılış mərasimi ərəfəsində qutularını açmaq cəhdlərinə müqavimət göstərəcəyi də hesaba alınmayıb.
Yuxarıda göstərilənlər nəzərə alındıqda, fransız yüngül atletika veteranı və Beynəlxalq Olimpiya Komitəsinin üzvü Gi Dryunun haqlı sözləri ilə razılaşmaq olar. O deyib: “İnanın, Oyunlar yaxınlaşdıqca, bu cür qalmaqalların sayı da artacaq”. Beləliklə, yaxın aylarda hökumət parislilərin narazılığının yeni təzahürləri ilə üzləşə bilər.