“28 MAY” NEFT VƏ QAZ ÇIXARMA İDARƏSİNİN UĞURLARI
140 quyudan neft qazlift, 76-dan isə fontan üsulu ilə çıxarılmışdır. Neftçilər fəaliyyətsiz fonddan 6 quyunu istismara qaytararaq, onlardan 63 min tondan çox, qazmadan təhvil alınmış 6 quyudan isə ilboyu 140 min tondan artıq neft çıxarılmışdır.
İl ərzində 38 geoloji tədbirdən 216 min ton, 172 texniki tədbirdən 20 min tona yaxın əlavə neft hasil edilmişdir.
Kollektiv 2005-ci ildə 2 milyard 361 milyon 728 min kubmetr qaz çıxarmaqla, hasilat üzrə illik proqnoza 104,3, dövlətə mavi yanacaq təhvilinə dair proqnoza isə 110,3 faiz əməl etmişdir. O cümlədən, səmt qazı hasilatı 114,5, əmtəəlik qaz üzrə hasilat 107 faiz yerinə yetirilmişdir.
Hasil edilən neftin və qazın əsas hissəsi “Günəşli” yatağının payına düşmüşdür. “Azneft” İstehsalat Birliyi üzrə ötən il hasil edilmiş neftin və qazın yarıdan çoxu bu kollektivin əməyinin bəhrəsi olmuşdur.
İdarənin kollektivi neft və qaz hasilatını yüksək səviyyədə saxlamaq üçün bütün imkanlardan səmərəli istifadə edir, dövlət neft strategiyasının uğurla həyata keçirilməsinə öz layiqli töhfələrini verir.
Bölmənin digər xəbərləri
