87 yaşlı nigeriyalı Bello Maasabanın 107 qadından 185 övladı vardır
Bakı, 14 may (AZƏRTAC). 87 yaşlı nigeriyalı Bello Maasabanın 19-64 yaşlı 86 arvadı vardır. Qarşısına çıxan qadınlarla evlənən Bello Maasaba indiyədək 12 arvadı ilə itaətsizlik üzündən boşanmışdır.
AZƏRTAC xarici KİV-ə istinadən xəbər verir ki, nigeriyalının 107 arvadından 185 uşağı olmuşdur. Övladlarından 133-ü sağdır. Bello Maasabanın ən kiçik övladı 1 aylıqdır.
Nigeriyanın şəriət qaydaları ilə idarə olunan Niger şəhərinin rəhbərləri üç il əvvəl Bello Maasabadan 82 arvadını boşamasını və yalnız 4 arvadı ilə yaşamasını tələb etmişdir. Lakin kişi bu əmrə tabe olmamış, buna görə həbs edilmişdir. Sonradan bütün arvadlarının müraciəti əsasında onu azadlığa buraxmışlar.
Bello Maasabanın məntiqinə görə, ürəyi istədiyi qədər qadınla evlənməsi “Allahın əmri”dir.
Bölmənin digər xəbərləri
