İDMAN


Azərbaycan Premyer Liqası: "Sumqayıt" "Səbail"i minimal hesabla məğlub edib

Bakı, 1 dekabr, Nicat Məmmədov, AZƏRTAC

Dekabrın 1-də Azərbaycan Premyer Liqasının 13-cü turunun növbəti oyunu keçirilib.

AZƏRTAC xəbər verir ki, günün ikinci matçında "Sumqayıt" "Səbail"i qəbul edib.

"Sumqayıt" "Kapital Arena"da "Səbail"i sınağa çəkib. Görüş meydan sahiblərinin 1:0 hesablı qələbəsi ilə yekunlaşıb. Oyunun taleyini həll edən qolu 60-cı dəqiqədə Atilla Yıldırım vurub.

Bu qələbə sayəsində "Sumqayıt" xallarını 14-ə çatdırsa da, yenə 6-cı pillədə qalıb. "Səbail" isə 20 xalla 3-cüdür.

"Gənclik şəhəri"nin təmsilçisi mövsümdə ilk dəfə "Kapital Bank Arena"da oyuna çıxıb. Arena bu vaxta qədər təmirdə olduğu üçün "Sumqayıt" ev oyunlarını paytaxtda keçirib.

Tura dekabrın 2-də “Qəbələ” – “Zirə”, dekabrın 3-də isə “Qarabağ” – “Keşlə” oyunları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.