“Naxçıvan Muxtar Respublikasının coğrafiyası" monoqrafiyasının ikinci cildi çapdan çıxıb
Bakı, 12 fevral, AZƏRTAC
Akademiklər Ramiz Məmmədov və İsmayıl Hacıyevin baş redaktorluğu ilə “Naxçıvan Muxtar Respublikasının coğrafiyası" monoqrafiyasının ikinci cildi çapdan çıxıb.
AMEA-dan AZƏRTAC-a bildirilib ki, 10 fəsildən, 380 səhifədən ibarət monoqrafiyada zəngin təbii şəraitə, iqtisadi və sosial-demoqrafık potensiala malik olan muxtar respublikanın iqtisadi, sosial və siyasi coğrafiyasının müxtəlif sahələrini əhatə edən ən son elmi tədqiqatların nəticələri öz əksini tapıb. Fundamental əsərdə Naxçıvan Muxtar Respublikasının siyasi-coğrafi və iqtisadi-coğrafi mövqeyi, öyrənilməsi tarixi, təbii şəraiti və təbii ehtiyatları, toponimikası, demoqrafik proseslərin inkişaf meyilləri və əhalinin məskunlaşması, sənaye, kənd təsərrüfatı və infrastrukturun əsas sahələri araşdırılmaqla, inzibati-ərazi vahidləri iqtisadi-coğrafi istiqamətdə geniş təhlil edilib.
Kitabın elmi redaktorları AMEA-nın akademik Həsən Əliyev adına Coğrafiya İnstitutunun əməkdaşları Zakir Eminov və Nizami Eyyubovdur.
Bölmənin digər xəbərləri
