İDMAN


RESPUBLİKANIN ƏN YAXŞI MOTOSİKLETÇİLƏRİ SUMQAYITDA ÖZ USTALIQLARINI GÖSTƏRDİLƏR

AZƏRTAC xəbər verir ki, iyunun 8-də Sumqayıtda 11 idmançının iştirakı ilə motosiklet yürüşü üzrə açıq şəhər çempionatı və Azərbaycan çempionatının birinci mərhələsi keçirilmişdir.

Motosiklet İdmanı Federasiyasının prezidenti Kür Səfərəliyev jurnalistlərlə söhbətdə bildirmişdir ki, yarışların qalibləri Türkiyənin açıq çempionatında iştirak edəcəklər.

Şəhər sakinləri bu maraqlı yarışı böyük həvəslə izləmiş, çətin virajları məharətlə dəf edən idmançıların ustalığına heyranlıqlarını alqışlarla ifadə etmişlər.

Sumqayıtı zəngin idman ənənələri olan şəhər adlandıranlar haqlıdırlar. Xatırladaq ki, Sumqayıt İdman Məktəbinin yetirməsi, SSRİ idman ustası Gennadi İstratov ötən əsrin 80-ci illərində idmanın bu növü üzrə Sovet İttifaqı çempionu olmuşdu.

Komanda birinciliyində sumqayıtlı motosikletçilər qalib gəlmişlər. Şəxsi birincilikdə ilk yerləri mühərrikinin həcmi 125 kubsantimetr olan motosikletdə sumqayıtlı Vaqif Əhmədov, mühərrikinin həcmi 250 kubsantimetr olan motosikletdə isə bakılı Şakir Ağasıyev tutmuşdur.

Sumqayıt Şəhər Gənclər və İdman Baş İdarəsinin rəisi Musa Həsənov qaliblərə fəxri fərmanlar və qiymətli hədiyyələr təqdim etmişdir.

######

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.