ELM VƏ TƏHSİL


Romada azərbaycanlı tələbələrlə görüş keçirilib VİDEO

Roma, 19 dekabr, AZƏRTAC

Azərbaycan-İtaliya Gənclər Assosiasiyasının (AİGA) təşkilatçılığı ilə La Sapienza Universitetində Romada təhsil alan birinci kurs tələbələri ilə “İtaliyaya xoş gəlmisiniz” adlı görüş keçirilib.

AZƏRTAC xəbər verir ki, tədbir Azərbaycan Respublikasının dövlət himninin səsləndirilməsi ilə başlayıb.

Görüşdə çıxış edən AİGA-nın həmsədri Emin Rüstəmov təşkilatın fəaliyyətinə toxunaraq bildirib ki, əsas məqsəd Azərbaycan və İtaliya gəncləri arasında əlaqələrin inkişaf etdirilməsi, azərbaycanlı gənclərin İtaliya cəmiyyətinə inteqrasiyasının sürətləndirilməsi, ölkəmizin təbliği, Qarabağ həqiqətlərinin yerli və dünya ictimaiyyətinə çatdırılmasıdır. O, AİGA-nın fəaliyyəti haqqında iştirakçılara ətraflı məlumat verib, tələbələri dövlət əhəmiyyətli tədbirlərdə fəal olmağa və təşkilatın sıralarına qoşulmağa dəvət edib.

Azərbaycanın İtaliyadakı səfiri Məmməd Əhmədzadə universitetə yeni qəbul olunan tələbələrə təbriklərini çatdırın, onlara uğurlar arzulayıb. Diplomat İtaliyada təhsil almağın üstünlüklərindən bəhs edib.

Azərbaycan ilə İtaliya arasındakı mövcud və inkişaf etməkdə olan münasibətlərdən danışan Məmməd Əhmədzadə İtaliyanın Avropada Azərbaycan üçün ən yaxın dost və tərəfdaş ölkələrdən biri olduğunu vurğulayıb. Təhsil sahəsinə gündən-günə artan marağın məhz bu münasibətlərin nəticəsində formalaşdığını söyləyən səfir azərbaycanlı tələbələrin Avropada, xüsusilə də İtaliyada təhsillərini davam etdirmələrindən məmnunluğunu bildirib.

Sonra müzakirələr aparılıb, rəy və təkliflər dinlənilib.

Tələbələr tərəfindən böyük maraqla qarşılanan tədbir ziyafətlə davam edib.

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.