Ayrı-ayrı ərazilərdə intensiv və güclü yağış müşahidə olunub - FAKTİKİ HAVA
Bakı, 23 may, AZƏRTAC
Azərbaycan ərazisinin bəzi yerlərində mayın 23-də yağıntılı hava şəraiti davam edib, ayrı-ayrı ərazilərdə intensiv və güclü yağış müşahidə olunub.
Milli Hidrometeorologiya Xidmətindən AZƏRTAC-a bildirilib ki, düşən yağıntının miqdarı Biləsuvarda 62 mm, İsmayıllıda 28 mm, Göyçay və Oğuzda 25 mm, Xızıda 24 mm, Sabirabadda 15 mm, Xaltanda 14 mm, Şabranda 13 mm, Zaqatalada 12 mm təşkil edib.
Həmçinin Balakən, Lerik, Quba və Gədəbəydə 11 mm, Qobustan və Göygöldə 10 mm, Şəkidə 9 mm, Kürdəmir və Şamaxıda 8 mm, Tərtər, Mingəçevir, Qusar və Qaxda 7 mm, Ağdam, Şahbuz, Gəncə və Daşkəsəndə 5 mm yağıntı qeydə alınıb.
Məlumata əsasən, Şahdağ, Qəbələ, Zərdab və Naftalanda 4 mm, Lənkəran, Astara, Neftçala və Tovuzda 3 mm, Yardımlı, Beyləqan və Ceyrançöldə 2 mm, Xaçmaz, Ordubad, Culfa, Şəmkir, Bərdə, Kəlbəcər, Laçın, Qubadlı, Şuşa, Xankəndi, Xocalı və Zəngilanda isə 1 mm-dək yağıntı düşüb.
Bölmənin digər xəbərləri
