DÜNYA


Səmərqənddə “Hindistan-Mərkəzi Asiya” nazirlər dialoqu keçirilib

Səmərqənd, 13 yanvar, AZƏRTAC

Qədim Səmərqənddə Əfqanıstanın iştirakı ilə birinci “Hindistan-Mərkəzi Asiya” nazirlər dialoqu keçirilib.

AZƏRTAC xəbər verir ki, görüşdə Hindistan, Qazaxıstan, Qırğızıstan, Tacikistan, Türkmənistan, Özbəkistan və Əfqanıstanın xarici işlər nazirləri iştirak ediblər.

Görüşdə əsas diqqət qarşılıqlı ticarətin inkişafı, region ölkələrinin iqtisadiyyatına sərmayə qoyuluşu, həmçinin investisiya və texnologiyaların cəlb olunmasında qarşılıqlı fəaliyyətin genişləndirilməsi, Mərkəzi Asiya dövlətlərində nəqliyyat-kommunikasiya və ticarət potensialının möhkəmləndirilməsi, turizm, elm, tibb, təhsil və idman sahələrində birgə layihələrin həyata keçirilməsinə yönəldilib.

“Hindistan-Mərkəzi Asiya” dialoqunda iştirak edən nazirlər Əfqanıstanla birgə bu ölkənin infrastruktur, tranzit-nəqliyyat, energetika, həmçinin regional və təsərrüfat sistemində müxtəlif layihələr həyata keçirməklə iqtisadiyyatın dirçəldilməsinin mümkün olduğunu vurğulayıblar.

Hindistanın xarici işlər naziri xanım Suşma Svaracın təklifi ilə xarici işlər nazirləri növbəti görüşün 2020-ci ildə Hindistanda keçirilməsi qərarına gəliblər.

Sonda birgə bəyanat qəbul olunub.

Qulu Kəngərli

AZƏRTAC-ın xüsusi müxbiri

Səmərqənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.