DÜNYA


Türkiyədə təbii fəlakətlərdən zərər görmüş fermerlərə 1,1 milyard lirə təzminat ödənilib

İstanbul, 13 mart, AZƏRTAC

Fermerlərin təbii fəlakətlərdən qorunması məqsədilə Türkiyədə yaradılmış “Kənd Təsərrüfatı Sığortaları Hovuzu”ndan (TARSİM) ötən il təbii fəlakətlərdən zərər görmüş fermerlərə 1,1 milyard lirə təzminat ödənilib.

AZƏRTAC xəbər verir ki, Türkiyənin Kənd Təsərrüfatı və Meşəçilik Nazirliyindən verilən məlumata görə, TARSİM-ə daxil olan bütün kənd təsərrüfatı sahələri dövlət tərəfindən təminat altına alınır.

Ölkədə kənd təsərrüfatı sığortalarının tətbiq olunduğu 2006-2018-ci illər ərzində bu quruma daxil olan bütün sahələr üzrə ümumilikdə 10 milyon 650 min 45 sığorta hazırlanıb. Bu müddət ərzində 4,5 milyard lirə dövlət dəstəyi ilə yanaşı, 5,1 milyard lirə də təzminat olaraq fermerlərə verilib.

Bu il dövlət dəstək sığortasına bir çox yeni sahə daxil edilib.

 

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.