Premyer Liqa: “Kəpəz” evdə böyük hesabla məğlub olub
Bakı, 4 sentyabr, AZƏRTAC
Futbol üzrə Azərbaycan Premyer Liqasında IV turun növbəti oyunu keçirilib.
AZƏRTAC xəbər verir ki, “Kəpəz” Gəncə şəhər stadionunda “Şamaxı”nı sınağa çəkib. Görüş qonaqların 4:1 hesablı qələbəsi ilə yekunlaşıb.
Bu nəticədən sonra “Şamaxı" 5 xalla 5-ci, 3 xala malik “Kəpəz” isə 10-cu pillədədir.
Daha əvvəl açılış matçı Qəbələdə olub. Şəhərin eyniadlı təmsilçisi “İmişli”ni qəbul edib. Qarşılaşma meydan sahiblərinin 2:1 hesablı qələbəsi ilə bitib.
Qeyd edək ki, turun digər oyunları sentyabrın 5-6-da keçiriləcək.
Bölmənin digər xəbərləri
