"Dubay EXPO 2020"nin qonaqlarını robot qarşılayacaq
Dubay, 24 iyul, AZƏRTAC
Dubayda keçiriləcək beynəlxalq "EXPO 2020" sərgisinin qonaqlarını "Smart Dubai" dövlət idarəsi tərəfindən yaradılmış "Rəşid" adlı robot qarşılayacaq.
AZƏRTAC xəbər verir ki, "Rəşid"lə istənilən mobil telefon vasitəsilə əlaqə saxlamaq mümkün olacaq və yaxın zamanlarda bunun üçün xüsusi mobil əlavə təqdim ediləcək. Robot çoxsaylı qonaqlara sərgi haqqında müfəssəl informasiyadan əlavə, Dubay barədə məlumat da təqdim edəcək, aviareyslərin və otellərin əvvəlcədən qeydiyyatı sahəsində xidmət göstərəcək, əyləncə tədbirlərinin təqvimi ilə bağlı məlumatları bölüşəcək. Robotun Dubayın sakinləri və qonaqları üçün ən "ağıllı" məsləhətçi olacağı gözlənilir. O, böyük həcmdə məlumatları təhlil etmək, sorğulara tez və dəqiq cavab vermək bacarığına malikdir.
Asya Hacızadə
AZƏRTAC-ın xüsusi müxbiri
Dubay
Bölmənin digər xəbərləri
