ABŞ HÖKUMƏTİ QUŞ QRİPİNƏ QARŞI MAARİFLƏNDİRMƏ İŞLƏRİNƏ DƏSTƏK VERİR
Missuri-Kolumbiya Universitetinin professoru, quşçuluq təsərrüfatlarında qidalandırma məsələləri üzrə ekspert Cefi Förmən quş qripinin mənşəyi, bu xəstəliyin ağır nəticələr verə biləcəyi, insanların həmin təhlükəyə qarşı birgə mübarizəsinin zəruriliyi barədə geniş izahat vermiş və demişdir ki, 120 il əvvəl aşkar edilmiş qripin 140 yarımnövü vardır. Onlardan çoxu istər quşlar, istərsə də heyvanlar arasında ölümlə nəticələnən təhlükə törətməsə də, indi hamını ən çox narahat edən və 2002-ci ildə aşkar olunan H5N1 virusunun yayılmasıdır. Son iki ildə Vyetnamda, İndoneziyada, Çində aşkar olunan bu virus artıq Avropaya, hətta Afrikaya gedib çıxmışdır.
Treninqdə amerikalı professor gigiyena tələblərindən, profilaktik vasitələrdən, o cümlədən əlcəkdən, maskalardan, xalat və rezin çəkmələrdən istifadə qaydalarını əyani şəkildə nümayiş etdirmişdir.
C.Förmən quş ətindən istifadənin, kəsimdən bişirilənədək hazırlanması zamanı tələb olunan gigiyena qaydalarını əyani şəkildə göstərmişdir.
Sonda sakinləri, habelə jurnalistləri maraqlandıran suallar cavablandırılmışdır.
