ABŞ-IN DÖVLƏT KATİBİ QIRĞIZISTANDA SƏFƏRDƏ OLMUŞDUR
Görüşdən sonra keçirilən birgə mətbuat konfransında Kurmanbek Bakiyev demişdir: Əfqanıstanda sabitlik yarananadək antiterror koalisiyasının qüvvələri Qırğızıstanda qalacaq. Bazanın burada qalıb-qalmaması məsələsini isə Amerika Birləşmiş Ştatları və Qırğızıstan hökumətləri həll edə bilər.
Kondoliza Rays bildirmişdir ki, onun ölkəsi Qırğızıstanda iqtisadi və siyasi islahatların aparılması, kiçik və orta sahibkarlığın, həmçinin kənd təsərrüfatının inkişaf etdirilməsi, korrupsiya ilə mübarizə sahələrində əməkdaşlığı genişləndirəcəkdir.
ABŞ-ın dövlət katibi ölkənin baş naziri Feliks Kulov və xarici işlər naziri Alikbek Cekşenkulovla da görüşmüşdür.
