ADPU şəbəkəsində qəbul planı 96,98 faizi yerinə yetirilib
Bakı, 15 sentyabr, AZƏRTAC
Azərbaycan Dövlət Pedaqoji Universitetinin (ADPU) 2026-2027-ci tədris ili üçün bütün ixtisaslar üzrə 2570 plan yeri ölkə üzrə ümumi plan yerlərinin 4,18 faizini, ADPU şəbəkəsinin 3605 plan yeri isə həmin göstəricinin 5,86 faizini təşkil edib.
AZƏRTAC xəbər verir ki, bu barədə Elmi şuranın iclasında İctimaiyyətlə əlaqələr və marketinq şöbəsinin müdiri Taleh Mirzəyev məlumat verib.
Bildirilib ki, pedaqoji ixtisaslar üzrə universitet şəbəkəsinin 3075 plan yeri ölkə üzrə 8580 pedaqoji plan yerinin 35,84 faizinə bərabər olub. Bakalavriat üzrə qəbul nəticələrinə əsasən, ADPU şəbəkəsində 3605 plan yerindən 3491-i ilkin yerləşdirmə mərhələsində təmin edilib. Şəbəkə üzrə qəbulun yekun göstəricisi 96,98 faiz təşkil edib. Dövlət sifarişi əsasında qəbulun payı 62,1 faizə yüksəlib. Həmçinin dövlət sifarişi üzrə keçid balı 500 və daha yüksək olan ixtisasların sayı 14-ə çatıb.
ADPU və onun filiallarına 600 və daha yüksək bal toplayan 8 abituriyent qəbul olunub. Ən yüksək nəticə isə Ağcabədi filialında 649,4 bal olub.
Bölmənin digər xəbərləri
