AFFA “Qarabağ” klubunu 4 min manat cərimələyib
Bakı, 11 mart, AZƏRTAC
AFFA-nın İntizam Komitəsinin iclası keçirilib.
AZƏRTAC xəbər verir ki, iclasda Azərbaycan Premyer Liqasının XVIII turunda baş verənlər müzakirə olunub.
“Neftçi” - “Səbail” oyununda 4 futbolçusu sarı vərəqə ilə cəzalanan qonaqlar 800 manat cərimə olunub.
“Qarabağ” - “Qəbələ” matçında meydan sahiblərinin azarkeşləri tərəfindən kütləvi şəkildə hakimin ünvanına təhqiramiz ifadələr işlədilib. Bu üzdən Ağdam klubu 4 min manat cərimələnib. Qonaqların azarkeşləri tərəfindən stadiondakı əmlaka zərər vurulduğuna görə dəymiş zərər “Qəbələ” klubu tərəfindən qarşılanacaq.
“Keşlə” - “Sabah” qarşılaşmasında 5 oyunçusu sarı vərəqə ilə cəzalanan meydan sahibləri 800 manat ziyana düşüb. “Sabah”ın qapıçısının formasında qüsur olduğundan oyun gec başlandığı üçün klub 800 manat ödəyəcək.
Bölmənin digər xəbərləri
