“AFİNALI TİMON” TEATR XADİMLƏRİ İTTİFAQININ SƏHNƏSİNDƏ
Teatr Xadimləri İttifaqından AZƏRTAC-a bildirmilər ki, oktyabrın 1-də Vilyam Şekspirin “Afinalı Timon” pyesi əsasında rejissor, xalq artisti Azərpaşa Nemətovun quruluşunda eyni adlı tamaşanın premyerası keçiriləcəkdir.
Bu pyes Şekspirin dramları arasında səhnəyə qoyulmaq baxımından ən mürəkkəbidir. Təsadüfi deyildir ki, sovetlər dövründə rejissorlardan heç biri bu əsərə müraciət etməmişdir. Klassik səhnənin şərtləri baxımından qeyri-ənənəvi sayılan bu əsər olduqca unikal materiala malikdir. Tamaşada Bakının və Sumqatıyın 12 teatrından 24 aktyor rol almışdır.
Teatr Xadimləri İttifaqındakı tamaşa salonunun səhnəsində təqdim olunacaq yeni əsərin rəssamı, xalq rəssamı Nazim Bəykişiyev, bəstəkarı Siyavuş Kərimidir.
Tamaşada baş rolu- Timonu xalq artisti Fuad Poladov oynayacaqdır.
Bölmənin digər xəbərləri
