AĞ CİYƏR XƏRÇƏNGİ İNSANLARIN SAĞLAMLIĞI ÜÇÜN DAHA TƏHLÜKƏLİDİR

27.09.2004 [14:16]
Çap et
A⁺ A^-

Ağ ciyər xərçəngi çinlilərin sağlamlığı üçün ən böyük təhlükəyə çevrilmişdir. Son illər bu ölkədə həmin xəstəliyin sürətlə yayılması və belə xəstəlikdən ölənlərin sayının xeyli artması qeydə alınmışdır.

AZƏRTAC Sinxua agentliyinə istinadla xəbər verir ki, ÇXR Səhiyyə Nazirliyinin məlumatına görə, ağ ciyər xərçənginə tutulmuş kişilərin sayı 2000-ci ildəki 260 min nəfərdən 2005-ci ildə 330 min nəfərədək, qadınların sayı isə 120 mindən 170 minədək artacaqdır.

Ekspertlər bildirirlər ki, Çində ağ ciyər xərçəngi xəstəliyinin belə sürətlə yayılması əhalinin qocalması, urbanizasiya və sənayeləşmə proseslərinin sürətlənməsi, habelə ətraf mühitin çirklənməsi, qeyri-sağlam həyat tərzi və siqaretçəkənlərin sayının artması ilə əlaqədardır.

ÇXR Mühəndislik Akademiyasının üzvü Sun Yan xatırlatmışdır ki, siqaretçəkmə ağ ciyər xərçənginə səbəb olan ən mühüm amillərdən biridir.

Hazırda Çində 320 milyon adam siqaret çəkir, özü də onların arasında qadınların və yeniyetmələrin sayı get-gedə artmaqdadır.