Ağcabədidə “Ən gözəl gül” müsabiqəsi keçirilib
Ağcabədi, 2 may, Tahir Ağaməmmədov, AZƏRTAC
Ağcabədi rayon Heydər Əliyev Mərkəzinin təşkilatçılığı ilə ümummilli lider Heydər Əliyevin anadan olmasının 96-cı ildönümünə həsr edilən “Ən gözəl gül” müsabiqəsi keçirilib.
AZƏRTAC-ın bölgə müxbiri xəbər verir ki, Heydər Əliyev Meydanında təşkil olunan sərgidə Mərkəzdə fəaliyyət göstərən kurslar, Uşaq Yaradıcılıq Mərkəzi, Günərzi Qayğı Mərkəzi, Rəsm Qalereyası və ümumtəhsil məktəbləri tərəfindən təqdim edilən gül-çiçək kompozisiyaları, həmçinin rəsmlər, Mərkəzləşdirilmiş Kitabxana Sisteminin kitabları nümayiş olunub.
Tədbirdə Heydər Əliyev Mərkəzinin, Qarabağ Muğam Mərkəzinin rəqs qrupları, körpələr evi-uşaq bağçalarının fidanları müxtəlif rəqs nömrələri, Mərkəzin həvəskar aktyorluq və bədii qiraət kursunun üzvləri Ümummilli Liderə həsr olunmuş şeir kompozisiyası ilə çıxış ediblər.
Sonda “Ən gözəl gül” müsabiqəsinin qalibləri mükafatlandırılıb.
Bölmənin digər xəbərləri
