AĞDAŞ OLİMPİYA İDMAN KOMPLEKSİNİN İNŞASI BAŞA ÇATMIŞDIR
Ağdaş, 6 yanvar (AZƏRTAC). Gənclər və İdman Nazirliyinin sifarişi ilə Ağdaş şəhərində inşa edilən Olimpiya İdman Kompleksi istifadəyə hazırdır. “Azəri Star” MMC tərəfindən inşasına 2006-cı ilin oktyabrında başlanılan və 4,5 hektar ərazini əhatə edən bu idman şəhərciyində futbol meydançası, üzgüçülük hovuzu, güləş, həndbol, voleybol, basketbol və mini futbol yarışlarının keçirilməsi üçün 1500 tamaşaçı tutumu olan idman zalı, tennis kortu, 3 ikimərtəbəli kottec və yeməkxana vardır.
Həmçinin, mərkəzləşdirilmiş kondisioner sistemi ilə təchiz edilmiş kompleksin fərdi transformatoru quraşdırılmış və qazanxanası tikilmişdir. İdman bazasında məşqçi və həkim kabinetləri, böyük konfrans zalı mövcuddur.
Müasir üslubda inşa edilən idman kompleksinin həyətində ağac və gül kolları əkilmişdir.
Bölmənin digər xəbərləri
