AĞDAŞDA KONSTİTUSİYA GÜNÜ QEYD OLUNMUŞDUR
Tədbirdə rayon icra hakimiyyətinin məsul işçiləri, YAP Ağdaş rayon təşkilatının nümayəndələri, idarə və təşkilat rəhbərləri çıxış edərək, 1995-ci il noyabrın 12-də ümumxalq səsverməsi yolu ilə qəbul olunmuş Azərbaycan Konstitusiyasında xalqımızın demokratik, azad bir cəmiyyətdə yaşamasını təmin edən meyarların əksini tapmasından söz açılmışdır.
Qeyd olunmuşdur ki, Konstitusiya insanların arzu və istəklərini, sosial, siyasi, iqtisadi və mənəvi mənafelərini hüquqi baxımdan tam təmin edir, vətəndaşlara cinsindən, irqindən, milli mənsubiyyətindən, dini əqidəsindən, sosial mövqeyindən asılı olmayaraq qanun qarşısında hüquq bərabərliyi verir.
Konstitusiya günü münasibətilə hazırlanmış tədbirlər planına əsasən noyabrın 11-də rayon icra hakimiyyətinin, hüquq mühafizə orqanlarının və ictimaiyyətin nümayəndələri ümummilli lider Heydər Əliyevin abidəsini ziyarət edəcəklər. Rayonda həmçinin idman yarışları təşkil ediləcək. Heydər Əliyev parkında konsert olacaqdır.
Bölmənin digər xəbərləri
